Uels terma jamoasi hujumchisi Garet Beyl Evropa chempionati yarim finalida Portugaliyaga qarshi kechadigan o‘yin haqida fikr bildirdi.
- Yarim finalda ikki futbolchi emas, balki ikki jamoa to‘qnash keladi. Ammo Ronaldu haqida gapiradigan bo‘lsak, u ajoyib futbolchi. Uning imkoniyatlarini hamma yaxshi biladi.
Biz esa e’tiborimizni jamoa sifatida o‘ynashga qaratamiz. Biz alohida shaxslarga urg‘u bermaymiz.
Ronaldu hozir nima qilayotgani va o‘zini qanday his qilayotgani haqida hech narsa deya olmayman. Men esa o‘zimni yaxshi his qilmoqdaman. «Real»da biz juda yaxshi kelishamiz va birgalikda to‘p surishdan lazzat olamiz. Ammo bu erda men uchun vazifa boshqacharoq - terma jamoada bor kuchimni ko‘rsatish.
Biz yarim final bilan cheklanib qolmoqchi emasmiz, - deydi Beyl.