«Milan» rahbariyati «Empoli» klubi sobiq bosh murabbiyi Marko Jampaolo bilan navbatdagi marta muzokara o‘tkazdi.
Xabar qilinishicha, «Milan»ni xitoylik investorlar sotib olgan taqdirda 48 yoshli murabbiy jamoa boshqaruviga tayinlanadi. Manuel Pellegrinining tayinlanishi ehtimoli esa u qadar katta emas. Chunki «Milan» bu murabbiyga 6 million evro maosh to‘lashga tayyor emas.
Agar Silvio Berluskoni klub prezidenti bo‘lib qolsa, Kristian Brokki «Milan» bosh murabbiyi sifatida qoladi. Bu borada 1 iyulga qadar aniqlik kiritilishi kutilmoqda.