Engil atletikaning yugurish turi bo‘yicha olti karra Olimpiya chempioni, yamaykalik mashhur sprintchi Useyn Bolt bitta medalidan mahrum bo‘lishi mumkin, deyiladi "Kun" nashrida. Yamayka terma jamoasi 2008 yilgi Pekin Olimpiadasida qo‘lga kiritgan oltin medalidan mahrum bo‘lishi mumkin bo‘lgan holat vujudga keldi. Jamoaning estafeta yugurishda ishtirok etgan a’zolaridan biri doping iste’mol qilishda ushlandi.4 x 100 metrlik estafeta yugurishi bo‘yicha ikki karra Olimpiya chempioni, Boltning jamoadoshi Nesta Karter Pekindagi o‘yinlarda olingan doping sinovi ijobiy natija bergan sportchilar qatoriga kirib qoldi. Karter organizmida taqiqlangan metilgeksanamin vositasi aniqlandi. Endi yamaykalik sprintchi 18 oyga chetlatilishi va estafetada olgan oltin medallaridan mahrum etilishi mumkin. Shu bilan birga estafetada ishtirok etgan boshqa yamaykaliklar, jumladan Bolt ham oltin medaldan mahrum etilishi mumkin.
Pekindagi Olimpiadada yamaykalik sportchilar 6 ta oltin, 3 ta kumush va 2 ta bronza medalini qo‘lga kiritishgan. Barcha medallar turli masofalarga yuguruvchi sprintchilar tomonidan qo‘lga kiritilgan. Bolt Pekinda 100, 200 metrga va 4 x 100 metrlik estafetaga yugurishda oldin medallar qo‘lga kiritgan.