Ingliz nashrlari ushbu mamlakatda to‘p surayotgan eng boy futbolchilari ro‘yxatini aniqladi. E’tiborlisi, futbolga ixtisoslashgan nashrlar tuzgan ro‘yxatdan asosan 30 yoshli o‘yinchilar joy olishdi. E’tiborlisi, birinchi o‘rinni “Manchester Yunayted” hujumchisi Ueyn Runi egalladi. Ueyn Runi (“Manchester Yunayted”)
Umumiy boyligi: 82 million funt sterling
Runi bugungi kunda APLda eng ko‘p maosh oladigan futbolchi hisoblanadi. Uning haftalik maoshi 300 ming funtni tashkil qiladi. Ortda qolgan yilda “Shrek” “Nike” va “Samsung” kompaniyalari bilan tuzilgan shaxsiy shartnomalari orqali katta daromadga ega bo‘ldi. O‘tgan yilga nisbatan Runining topayotgan daromadi 10 million funtga ko‘tarildi. Hozirda uning umumiy daromadi 82 million funtni tashkil qilmoqda.
Serxio Aguero (“Manchester Siti”)
Umumiy boyligi: 33 million funt sterling
Ikkinchi o‘rin sohibi sifatida “Manchester Siti” etakchisi Serxio Aguero egalladi. Argentinalik hujumchi ham katta miqdorda maosh oladigan futbolchilar sirasiga kiradi. Umumiy daromadining ko‘pchilik qismini aynan “shaharliklar”da o‘tkazayotgan o‘yinlari bilan ishlab topgan. O‘tgan yilga qaraganda, uning yillik daromadi 7 million funtga ko‘tarilgan. Bunga turli reklama roliklaridan topgan pullari ham kiritilgan.
David Silva (“Manchester Siti”)
Umumiy boyligi: 31 million funt sterling
Maydon markazida fantastik o‘yinlar namoyish qila oladigan Silva ham bugungi kunda Britaniya futbolida eng boy sportchilardan biri desa bo‘ladi. Chunki Silva ham “shaharliklar”da juda katta miqdorda maosh ishlab topadi. Bundan tashqari, reklama roliklaridan ham ancha-muncha gonararlar kelib turadi. Shundan kelib chiqib, Silvaning yillik daromadi 6 million funtga ko‘tarildi va umumiy boyligi 31 mlnga etdi.
Sesk Fabrges (“Chelsi”)
Umumiy boyligi: 29 million funt sterling
“Chelsi”da yaxshigina daromad topadigan Fabreges ushbu ro‘yxatni beshinchi pog‘onasini band qildi. Hozirda Seskning boyligi 29 million funtni tashkil qilmoqda. Ilgari “Arsenal” va “Barselona”da to‘plagan mablag‘lari ham kiritilgan. U ham reklama roliklari orqali gonarar ishlab topmoqda.
Samir Nasri (“Manchester Siti”)
Umumiy boyligi: 22 million funt sterling
Ingliz yurtida “Manchester Siti” futbolchilarga maosh to‘lash borasida boshqalardan ustunlik qilmoqda. Shu boisdan Nasrining umumiy boyligi anchani tashkil qilmoqda. Haftalik maoshi salkam 200 ming funtga etadigan fransiyalik yarim himoyachi ham eng boy futbolchilrdan biridir.