Darakchi.uz sayti xabariga ko‘ra, Madridning “Real” jamoasi hujumchisi Krishtianu Ronaldu o‘z faoliyatini PSJda davom ettirishi mumkin. France Football nashrida Ronaldu Fransiyaning PSJ klubi prezidenti Nosir al-Xelaifi bilan uchrashganligi ma’lum qilingan. Ma’lumotlraga ko‘ra, Ronaldu “Volfsburg”ga qarshi (3:0) EChL chorak final javob o‘yinidan so‘ng shaxsiy samolyotida Parijga yo‘l olgan va parijliklar prezidenti bilan uchrashgan. Bu ularning o‘zaro beshinchi uchrashuvi bo‘ldi.
PSJ rahbariyati bu masalada izoh berishdan bosh tortdi. Ammo matbuotda parijliklar Ronalduni sotib olishi haqida gap so‘zlar boshlangan. Ronaldu PSJda Zlatan Ibragimovichning o‘rinni bosishi, shvesiyalik esa o‘z navbatida “MYu”ga o‘tishi kutilmoqda.
Avvalroq parijliklar portugaliyalik 31 yoshli futbolchini 100 mln evroga sotib olmoqchi ekani aytib o‘tilgandi.