Toshkent shahridagi «Chilonzor» metro bekati yaqinida avtobus yonib ketdi. Bu haqda Facebook’dagi «Voditeli Tashkenta» guruhi a’zolari xabar berdi, deya yozadi "Daryo" nashri. Qayd etilishicha, avtobus orqasidagi motor joylashgan qismi 1 dekabr kechasi yonib ketgan. Jabrlanganlar bor-yo‘qligi to‘g‘risida hech qanday ma’lumot berilmagan. Yonib ketgan avtobus qaysi yo‘nalishda harakatlangani ham hozircha noma’lum.