Qashqadaryoning Shahrisabz shahri qadimiy qismidagi qurilish ishlari davomida ishchilar Shayboniylar hukmronligi davriga tegishli tangalardan iborat xazinani topib oldi, deya xabar bermoqda «Pravda Vostoka».Hukumatning «Shahrisabz shahrini obodonlashtirish va rekonstruksiya qilish bo‘yicha kompleks tadbirlar dasturi to‘g‘risida»gi qarori bilan Qashqadaryo viloyatida Amir Temur maydoni hamda kelajakda Oqsaroy, Dorut-tilovat va Dorus saodat majmualarini birlashtiruvchi xiyobonda ta’mirlash ishlari bormoqda.
Shaharning shu qismida olib borilayotgan qurilish-ta’mirlash ishlari davomida o‘tgan yilning oxirida umumiy og‘irligi 281 grammga teng 61 ta kumush tangadan iborat xazina topilgan.
Mahalliy muzey mutaxassislari izlanish olib borib, ularning XVI asrning birinchi choragida — Shayboniylar davlatining Shayboniyxon va boshqa hukmdorlari davrida zarb etilganini aniqladi.
Manba: www.daryo.uz