Buxoro tumanida yashovchi 200 dan ortiq ayol «Sog‘lom avlod uchun» jamg‘armasining viloyat bo‘linmasi, tuman markaziy poliklinikasi va «Mahalla» jamg‘armasi tomonidan tashkillashtirilgan bepul tibbiy ko‘rikdan o‘tkazildi, deb xabar bermoqda «Vostochniy ekspress».
Ayollar turli tahlillarni topshirib, ultra tovush qurilmasi, rentgendan o‘tdilar, aniqlangan kasalliklarni davolash bo‘yicha mutaxassislardan maslahatlar oldilar. Shuningdek, ularga gigiena vositalari va sog‘lom hayot tarzini targ‘ib qiluvchi bukletlar tarqatildi, kam ta’minlangan oilalar vakilalariga esa bepul dori-darmonlar berildi.
Qayd etilishicha, bunday tibbiy ko‘riklar sog‘lom turmush tarzini targ‘ib qilish va aholining tibbiy madaniyatini oshirish maqsadida viloyatning barcha tumanlarida o‘tkazilmoqda.