Click kompaniyasi tizimning hamkorlar ro‘yxatiga Universal Mobile Systems MChJ kompaniyasining qo‘shilganini xabar qildi. Joriy yilning 1 dekabridan boshlab ushbu mobil aloqa operatorining barcha abonentlari Click tizimi yordamida plastik kartalaridan o‘z hisoblarini to‘lash va balanslarini to‘ldirish imkoniyatiga ega bo‘ldi, deb xabar bermoqda Daryo.uz.Click tizimi foydalanuvchilari UMS kompaniyasining xizmatlariga to‘lovlarni real vaqt rejimida va hech qanday komissiyasiz o‘z mobil telefonlari orqali yoki my.click.uz va m.click.uz manzilida joylashgan «Shaxsiy kabinet» orqali amalga oshirishi mumkin.
Yangi mobil aloqa operatori — UMS’ga ulangan Click tizimi foydalanuvchilari ilgari Click tizimida ro‘yxatdan o‘tkazilgan raqamlarini almashtirish uchun dastlab «SMS-xabarnoma» xizmatini yangi raqamga ulatishi lozim. So‘ng yangi telefon raqamidan quyidagi *880*0*karta raqami*amal qilish muddati# USSD-so‘rovini jo‘natishi kerak.