Ijod maktabi o‘zbek va jahon musiqa san’ati rivojiga ulkan hissa qo‘shgan mashhur kompozitor, drijor, mahoratli pedagog hamda o‘zbek musiqa san’ati asoschilaridan biri Muxtor Ashrafiy izdoshlarini kashf etish va ularning o‘z iste’dodlarini keng namoyon qilishlari uchun zarur shart-sharoitlar yaratish maqsadida tashkil etilmoqda. Maktabni qurish uchun Buxoro shahar A.G‘ijduvoniy ko‘chasi hududidan yer maydoni ajratiladi.
Hozirda Prezident, ijod va ixtisoslashgan maktablarni rivojlantirish agentligi tomonidan Hukumat qarori loyihasi tayyorlanib O‘zbekiston Respublikasi normativ-huquqiy hujjatlar loyihalari muhokamasi portaliga joylashtirilgan.