Bugun mamlakat hududida ob-havoning yog‘ingarchiliksiz bo‘lishi kutilmoqda, faqat Buxoro, Navoiy viloyatlarida ayrim joylarga kuchsiz yomg‘ir yog‘ishi mumkin. Havo harorati 5-10 daraja iliq atrofida bo‘ladi.«O‘zgidromet» xabariga ko‘ra, ertaga ham respublika hududining katta qismida ob-havo yog‘ingarchiliksiz bo‘ladi, faqat Buxoro, Navoiy viloyatlarida ayrim joylarga kuchsiz yomg‘ir yog‘ishi mumkin, Qashqadaryo, Surxondaryo viloyatlarida kechga borib yomg‘ir yog‘ishi mumkin.
Harorat shundayligicha saqlanib turadi – kechasi 0-5 daraja iliq, ayrim joylarda 2 darajagacha sovuq, kunduzi 5-10 daraja iliq bo‘ladi. Bu me’yorlarga yaqin haroratdir.
Yakshanba kuni havo oqimlarining almashadi: quruq havo oqimi o‘rnini Kaspiy dengizi hududidan kiradigan nam va sovuq havo oqimi egallaydi. U butun respublika hududiga ta’sir ko‘rsatadi, ayrim joylarda yog‘ingarchilik (yomg‘ir, qor) bo‘ladi. Tog‘li hududlarda kuchli yog‘in yog‘ishi mumkin, faqat Qoraqalpog‘istonda va Xorazm viloyatida yog‘ingarchilik bo‘lmaydi.
Harorat kechasi va kunduzi 0-5 daraja iliqni tashkil qiladi, bu ko‘rsatkich shu kun me’yoridan sal pastdir.