Euronews axborot agentligi “Yo‘ldan yo‘llanmalar” ko‘rsatuvlar silsilasi orqali O‘zbekistonning tarixiy-madaniy merosini yoritishda davom etmoqda.
Mazkur dastur sayohatga hamda mahalliy madaniyatga qiziquvchilarga mo‘ljallab tayyorlanmoqda. Haftalik qaydlar mashhur tarixiy obidalar va yodgorliklarga bag‘ishlanadi.
4 yanvar kuni Euronews kanali orqali “O‘zbekistondan salom xatlari” dasturining birinchi qismi namoyish etildi. U Samarqanddagi Go‘ri Amir maqbarasiga bag‘ishlandi, deb xabar beradi kun.uz.
“O‘zbekturizm” MK matbuot xizmatining xabar qilishicha, reportaj translyasiyasi 10 yanvarga qadar davom etadi. Yaqin orada yana 5 ta rolik translyasiya qilinib, ularda Xiva, Shahrisabz, Rishton va Marg‘ilon haqida so‘z boradi.