O‘zbekiston Vazirlar Mahkamasi 2016 yil 1 yanvardan kichik o‘lchamli yuk mashinalari importiga 70 foizlik aksiz soliq kiritdi. Bu haqda Vazirlar Mahkamasining 1 yanvarda chop etilgan qarorida aytdi, deb xabar bermoqda Kun.uz nashri.
Hujjatda aytilishicha, to‘liq og‘irligi 5 tonnadan katta bo‘lmagan kichik o‘lchamdagi yuk transportlari mahsulotning narxidan 70 foizlik aksiz solig‘i kiritildi. Ayni vaqtgacha bu avtotransport vositalari uchun faqatgina import uchun 30 foizlik bojxona boji va QQS to‘lashgan. Katta yuk ko‘taruvchi yuk avtomobillariga 70 foizlik aksiz soliq va 30 fozlik import boji amal qilgan.
2015 yilning iyulida GM Uzbekistan AJ Chevrolet Labo mini yuk mashinasini Xorazm viloyatidagi zavodda seriyali ishlab chiqarishni boshladi. Korxona ishlab chiqarish quvvati yiliga 5 ming dona Labo yuk mashinasini tashkil qiladi.
O‘zbekiston Davlat bojxona qo‘mitasining ma’lumotlariga ko‘ra, oxirgi 3 yil ichida O‘zbekistonga 16 mingta yaqin mini yuk mashinalari olib kirilgan, undan 95 foizi Xitoy va Janubiy Koreyadan import qilingan.