26 mart kuni Oʻzbekiston Mudofaa vazirligi Janubi-gʻarbiy maxsus harbiy okrugi qoʻshinlarining jangovar tayyorgarligini majmuaviy tekshirish boshlangan edi.Mashgʻulotlar davomida Janubi-gʻarbiy maxsus harbiy okrug qoʻshinlari “Muborak” va “Nuriston” umumqoʻshin dala-oʻquv maydonlariga, shuningdek, havo va yer orqali mahalliy notanish hududlarga tashlandi.
Bundan tashqari, jangovar mashgʻulotlarga Markaziy harbiy okrugga qarashli ayrim boʻlinmalar ham jalb etilgan boʻlib, ular Janubi-gʻarbiy maxsus harbiy okrugining asosiy kuchlariga jangovar koʻmak berish maqsadida harbiy texnikalar orqali marshni amalga oshirdi va belgilangan hududga joylashdi.
28 mart kuni harbiy xizmatchilar hamda boʻlinmalar tomonidan jangovar tayyorgarlik fanlari boʻyicha nazorat-tekshiruv mashgʻulotlaridan sinovlar topshirishi boshlandi.
