O‘zbekistonda 2015 yilning 1 yanvaridan avtomobil’ benzinining 1 litri 25 so‘mga qimmatlashadi. Bu haqida «O‘zneftmahsulot» aksiyadorlik kompaniyasiga asoslanib, “12news.uz” xabar bermoqda.
Xabarda aytilishicha, benzin narxi oshishiga yangi yilning 1 kunidan boshlab soliq stavkalarining oshirilgani sabab bo‘ladi.
Natijada, iste’molchilar 2015 yilning 1 yanvar kunidan e’tiboran, yoqilg‘i quyish shoxobchalaridan 1 litr Ai-80 benzinini 2030 so‘mdan, Ai-91, Ai-92 va Ai-93 benzinlarining har 1 litrini 2235 so‘mdan, Ai-95 benzinining 1 litrini esa 2460 so‘mdan sotib olishlari kerak bo‘ladi.
Shuningdek, dizel yoqilg‘ilariga ham yangi narxlar belgilangan bo‘lib, endi oddiy dizel yoqilg‘isining 1 litri 2000 so‘m, EKO nomli dizel yoqilg‘isining 1 litri 2075 so‘mdan sotiladi.
Foto: 12news.uz
Manba:
kun.uz