Toshkent Davlat agrar universitetida ish boshlagan «Kamolot» talabalar radiosi efirida yangiliklar, musiqa, viktorinalar, reportajlar va boshqa ko‘plab dasturlarni tinglash mumkin. Bu haqda «Pravda Vostoka» xabar bermoqda.
Xabar berishlaricha, universitetning o‘zi radiosini ishga tushirish g‘oyasi rektorat tomonidan tashabbuskor talabalarni qo‘llab-quvvatlash natijasida ro‘yobga chiqarilgan.
Qayd etishlaricha, radio hozircha faqat tanaffus vaqtida ishlab turibdi, kelajakda esa efir vaqtini kengaytirish ko‘zda tutilgan.
Radio studiyasida zamonaviy qurilmalar o‘rnatilgan bo‘lib, ular radioefirni olib borish, maxsus musiqiy effektlar va boshqalarni tayyorlash imkonini beradi.
«Pravda Vostoka»ning qo‘shimcha qilishicha, o‘qishdan bo‘sh vaqtda bu erda tashabbuskor o‘g‘il va qizlar o‘z kuchlarini yangi bir yo‘nalishda sinab ko‘rishmoqda.
Manba:
Kun.uz