Oʻzbekistonda hafta oxiriga borib havo harorati oʻrtacha 10 darajagacha tushib ketadi. Bu haqda Respublika Gidrometeorologiya markazi xabar bermoqda.Qoraqalpogʻiston Respublikasi va Xorazm viloyatida ob-havo biroz bulutli, yogʻingarchiliksiz boʻladi. Faqatgina 6 oktyabrda ayrim joylarda yogʻingarchilik kuzatilishi mumkin. Havo harorati 5 oktyabr kuni kechasi 10-15, kunduzi 25-30, 6-8 oktyabr kunlari esa kechasi 5-10, kunduzi 13-18 daraja iliq boʻladi.
Buxoro va Navoiy viloyatlarida ob-havo biroz bulutli, yogʻingarchiliksiz boʻladi. Faqatgina 7 oktyabrda ayrim joylarda yogʻingarchilik kuzatilishi mumkin. Havo harorati 5 oktyabr kuni kechasi 10-15 daraja iliq, kunduzi 25-30 daraja issiq, 6-8 oktyabr kunlari esa kechasi 7-12, kunduzi 13-18 daraja iliq boʻladi.
Toshkent, Samarqand, Jizzax va Sirdaryo viloyatlarida 5-6 oktyabr kunlari yogʻingarchiliksiz oʻtadi. 7-8 oktyabr kunlari esa ayrim hududlarda yogʻingarchilik kuzatiladi. Havo harorati 5-6 oktyabr kunlari kechasi 10-15 daraja iliq, kunduzi 25-30 daraja issiq, 7-8 oktyabr kunlari esa kechasi 7-12, kunduzi 13-18 daraja iliq boʻladi.
Qashqadaryo va Surxondaryo viloyatlarida 5-6 oktyabr kunlari yogʻingarchiliksiz oʻtadi. 7-8 oktyabr kunlari esa ayrim hududlarda yomgʻir yogʻishi kuzatiladi. Havo harorati 5-6 oktyabr kunlari kechasi 12-17 daraja iliq, kunduzi 27-32 daraja issiq, 7-8 oktyabr kunlari esa kechasi 7-12, kunduzi 13-18 daraja iliq boʻladi.
Andijon, Namangan va Fargʻona viloyatlarida 5-7 oktyabr kunlari yogʻingarchiliksiz oʻtadi. 8 oktyabr kuni ayrim joylarda yomgʻir yogʻadi. Havo harorati kechasi 10-15 daraja iliq, 5-6 oktyabr kunlari kunduzi 25-30 issiq, 7-8 oktyabr kunlari esa 13-18 darajagacha tushib ketadi.
Respublikaning togʻli hududlarida ob-havo biroz bulutli, 5-6 oktyabr kunlari yogʻingarchiliksiz boʻladi. 7-8 oktyabr kunlari esa yogʻingarchilik kuzatiladi. Havo harorati 5-6 oktyabr kunlari kechasi 8-13, kunduzi 18-23 daraja iliq, 7-8 oktyabr kunlari kechasi 2-7 daraja, kunduzi 5-10 daraja iliq boʻladi.