Toshkent vaqti bilan 20 noyabr, juma kuni soat 9:46 da Qirg‘iziston hududida 5,2 magnitudali zilzila yuz berdi. «Toshkent» markaziy seysmostansiyasidan «Daryo»ga ma’lum qilishlaricha, zilzila markazi Toshkent shahridan 355 kilometr sharqda joylashgan.
Qirg‘izistonda yuz bergan zilzila natijasida Toshkent va Farg‘ona shaharlarida Rixter shkalasi bo‘yicha 2 balli, Andijon shahrida esa 3 balli erosti silkinishlari sezildi.
Ma’lumot uchun, 17 noyabr, seshanba kuni oqshomida Qirg‘izistonning O‘sh shahri yaqinida 5,7 magnitudali zilzila yuz bergan, natijada Toshkent shahrida Rixter shkalasi bo‘yicha 2,5—3 balli erosti silkinishlari sezilgan edi.
-
O‘zbekistonda yil boshidan beri nechta zilzila sezildi?
-
Zilzila nima va uni oldindan bilish mumkinmi?
Manba: Daryo.uz