2015 yil 12 noyabrda O‘zbekiston Respublikasi Davlat Soliq qo‘mitasining binosida Jahon banki guruhi delegasiyasi bilan uchrashuv bo‘lib o‘tdi, deya xabar bermoqda qo‘mita rasmiy sayti.
Uchrashuv davomida kichik biznesni soliqqa tortish, xususan, mikrofirma va kichik korxonalar soliq yukini kamaytirish yuzasidan qabul qilingan choralar, davlat ro‘yxatidan o‘tish va soliq hisobi tartiblarini qisqartirish, internet orqali soliq hisobotlarini topshirishni joriy qilish, shuningdek, soliq qarzdorliklarini undirish ustunliklari kabi masalalar muhokama qilindi.
Uchrashuv do‘stona va hamjihatlik ruhida bo‘lib o‘tdi.
Manba: Daryo.uz