O‘zbekistonda «Sog‘liqni saqlash tizimini takomillashtirish» («Salomatlik-3») loyihasi rahbari Lingshi Xu hamda sog‘liqni saqlash, ovqatlanish va aholishunoslik departamenti rahbari Enis Bari boshchiligidagi Jahon banki delegasiyasi bo‘lib turibdi. Bu haqda «Review.uz» xabar bermoqda.
Delegasiya «Salomatlik-3» doirasida amalga oshirilayotgan ishlar bilan tanishib, loyihaning har bir yo‘nalishi bo‘yicha qo‘yilgan vazifalar bajarilishiga baho berishi ko‘zda tutilgan.
Delegasiya Samarqand viloyatiga tashrif buyurib, mahalliy tibbiyot birlashmalaridagi qurilishlar, etkazib berilgan tibbiy jihozlarning ishlatilishi, texnik xizmat ko‘rsatilishini o‘rganadi. Jihozlar etkazib berish va xizmat ko‘rsatish sifati masalalarini muhokama etish ham ko‘zda tutilgan.
Jahon banki delegasiyasining tashrifi 24 noyabrga qadar davom etadi.
Manba: Daryo.uz