O‘zbekistonning bu yilgi hisobotlar bo‘yicha tashqi qarzi 15 foizdan yuqori bo‘lmadi. Bu haqida O‘zbekiston Respublikasi Prezidenti Islom Karimov o‘tgan hafta so‘ngida respublika konstitusiyasining 22 yilligiga bag‘ishlangan bayram tadbiri vaqtida ma’lum qilgan, deya «Uzdaily.uz»ga asoslanib «Kun.uz»
xabar berdi.
Prezidentning qayd etishicha, davlatning aholi oldidagi qarz ko‘rsatkichlari 0 ga teng bo‘lgan. Hisobotda aytilishicha, 2014 yil davomida eksport hajmi va mamlakatning valyuta hisobidagi oltin zahiralari kengaytirilgan.
«Bugungi kunda dunyoning ko‘plab davlatlari iqtisodiy inqirozni boshdan kechirayotgan bo‘lsada, O‘zbekiston yildan-yilga ichki ishlab chiqarish hajmini oshirib, oxirgi 10 yil mobaynida bu boradagi natijalarni 8 foizga yaxshiladi, keyingi yilda ham o‘sish kuzatiladi», – deydi Islom Karimov.
Eslatib o‘tamiz, o‘tgan yili O‘zbekistonning tashqi qarzi 16 foizni tashkil etgan edi.
Foto: gazeta.ru