O‘zbekiston Davlat raqobat qo‘mitasi tuxum va shakar narxini nazorat qilmoqda. Bu haqda idoraning reklama faoliyatini nazorat qilish va iste’molchilar huquqlarini himoya qilish boshqarmasi boshlig‘i Dilshod Azimov “Pravda Vostoka” gazetasida chop etilgan materialida ma’lumot berdi, deb yozmoqda Kun.uz.
Aytilishicha, shakarning hukumat topshirig‘i bilan o‘rnatilgan narxi – 3 200 so‘m – doimo monitoring qilib borilmoqda. Ushbu narxni asossiz oshirib yuborishga yo‘l qo‘ymaslik maqsadida nazorat ishlari kuchaytirilgan.
Bundan tashqari, tuxumni aholiga realizasiya qilish narxi 270-300 so‘m deb belgilangan. Agar qush fabrikasi ishlab chiqarish hajmlarini buzsa va narxlarni oshirib yuborsa, qo‘mita uni tuxum etkazuvchi korxonalar ro‘yxatidan chiqarib tashlashi mumkin.