O‘zbekiston hukumati qarori bilan rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika ahamiyatiga molik boshqa davlat tashkilotlari ro‘yxatiga qo‘shimcha kiritildi. Bu haqda Normaga asoslanib "Daryo.uz" xabar bermoqda. Mazkur qaror bilan bunday iltimosnoma kiritish huquqiga O‘zbekiston Prezidenti huzuridagi strategik va mintaqalararo tadqiqotlar instituti rahbariyati ham ega bo‘ldi.
Eslatib o‘tamiz, oldinroq xodimlari Toshkent shahri va Toshkent viloyatida doimiy propiskaga qo‘yilishi mumkin bo‘lgan 59 ta tashkilot va kompaniyadan iborat ro‘yxat e’lon qilingandi. Endi ularning soni 60 taga etdi.