Qozog‘iston mustaqilligining 25 yilligiga bag‘ishlangan tantanali tadbirda so‘z olgan Nursulton Nazarboyev o‘z nutqida prezident, hukumat va parlament o‘rtasida vakolatlarni qayta taqsimlash masalasini ko‘rib chiqishni taklif etdi deb yozadi "Diydoraziz" nashri.MDH mamlakatlari institutining O‘rta Osiyo va Qozog‘iston bo‘limi boshlig‘i, siyosiy ekspert Andrey Grozin Qozog‘istonda “superprezidentlik” tizimidan voz kechishning boshlanishining sababini “O‘zbekistonda yangi prezidentning davlat tepasiga kelishi va u olib borayotgan ishlar Qozog‘istonda ko‘pchilikni turli mulohazaga chorlagani” deb taxmin qiladi. Shu bilan birga, Grozinning fikricha, hozirgi kunda hech bir siyosatchi, hech bir siyosiy kuch Qozog‘istonda Nazarboyevning siyosiy statusiga raqobatbardosh emas.