O‘zbekistonda anor va yong‘oqqa yangi standartlar joriy etildi. Bu haqda O‘zbekiston standartlashtirish, metrologiya va sertifakatlashtirish agentligi («O‘zstandart») axborot xizmati ma’lum qildi, deb yozadi «Daryo» nashri.Agentlikning tegishli qarorlari bilan «Yangi uzilgan anor. Texnikaviy shartlar» va «Grek yong‘og‘i mag‘izi. Texnikaviy shartlar» davlatlararo standartlari tasdiqlandi hamda davlat ro‘yxatiga kiritildi.
Yangi standartlar 2017 yil 1 yanvardan boshlab kuchga kirdi.
Ro‘yxatga kiritilgan standartlashtirish bo‘yicha me’yoriy hujjatlarning to‘liq ro‘yxati bilan agentlik saytida joylashgan «Standartlarni amalga kiritish va bekor qilish qarorlari» sahifasida tanishish mumkin.