O‘zbekiston Markaziy saylov komissiyasi (MSK)ga 29 mart, yakshanba kuni soat 6:00da boshlangan ovoz berish jarayoni haqidagi ma’lumotlar onlayn rejimida kelib tushmoqda.
Soat 17:00gacha saylovchilar ro‘yxatiga kiritilgan 20 million 798 ming 52 saylovchining 85,2 foizdan ortig‘i (17,728 million kishi) ovoz berdi. Bu haqda MSK raisi Mirzo-Ulug‘bek Abdusalomov Toshkentdagi saylovni yoritish bo‘yicha Respublika matbuot markazida o‘tkazilgan brifingda ma’lum qildi.
Avvalroq, 10:00 holatiga ko‘ra saylovchilarning 36,55 foizi, 10:30 holatiga ko‘ra esa, 37 foizdan ortig‘i ovoz berib bo‘lgani, shu bois “O‘zbekiston Respublikasi Prezidenti saylovi to‘g‘risida”gi qonunning 35-moddasiga ko‘ra Prezident saylovi o‘tgan, deb hisoblanadi.
Qayd etish joiz, saylovda O‘zbekiston Prezidentligiga nomzodlarning barchasi ishtirok etib ulgurdi.
Manba: www.kun.uz