O‘zbekiston Vazirlar Mahkamasining 21 noyabrdagi qaroriga ko‘ra, Toshkent davlat stomatologiya instutining Andijon, Buxoro, Samarqand va Nukus filiallari qisqartiriladi, deb xabar bermoqda Uzbekistan Today.Ushbu filiallar ikki yil avval Toshkent davlat stomatologiya instituti yaratilishi jarayonida Andijon, Buxoro, Samarqand tibbiyot institutlarining stomatologiya fakultetlari va Toshkent pediatriya tibbiyot institutining Nukus filiali negizida yaratilgandi.
Biroq tajriba ushbu filiallarning keyingi rivojlanishi samarasiz va mutaxassislarni sifatli tayyorlashni ta’minlashga qodir bo‘lmagan loyiha ekanligini ko‘rsatdi.
Qarorga ko‘ra, filiallar avval ajrab chiqqan oliy ta’lim muassasalari tarkibiga yana fakultetlar sifatida kiritiladi.
Bugungi kunda O‘zbekiston Sog‘liqni saqlash vazirligi qisqartirilayotgan filiallarda tahsil oluvchi talabalarni tegishli stomatologik fakultetlarga o‘tkazish bilan mashg‘ul.
Shakllantirilayotgan fakultetlarni tugatilayotgan filiallar xodimlari safidan malakali pedagoglar va boshqa xodimlar bilan kuchaytirish bo‘yicha ishlar davom etmoqda.
Qisqartirilayotgan filiallarning bino, inshoot, qurilmalari, inventari, o‘quv va metodik adabiyotlari, hujjatlari, boshqa mol-mulki va mablag‘lari fakultetlar hisobiga o‘tkaziladi.