Ozarbayjon Respublikasi Prezidenti Ilhom Aliev O‘zbekiston Respublikasi Oliy Majlisi Senati raisi Nig‘matulla Yo‘ldoshevga O‘zbekiston Respublikasining Birinchi Prezidenti Islom Karimov vafoti munosabati bilan hamdardlik yo‘lladi. Bu haqda Ozarbayjon rahbari saytiga asoslanib "Gazeta.uz" xabar bermoqda.«O‘zbekiston Respublikasi Prezidenti, atoqli davlat va ijtimoiy-siyosiy arbob Islom Abdug‘anievich Karimovning vafoti to‘g‘risidagi xabarni chuqur qayg‘u bilan qarshi oldim.
Islom Abdug‘anievich Karimov mustaqil O‘zbekistonning birinchi Prezidenti sifatida tarixga kirdi. Davlat mustaqilligi va mamlakat suverenitetining shakllanishi, rivojlanishi va mustahkamlanishi, ijtimoiy-iqtisodiy va siyosiy sohalardagi erishilgan muvaffaqiyatlar, qardosh O‘zbekiston xalqining jahon hamjamiyatiga integrasiyasi uning nomi bilan bog‘lanadi", — deyiladi murojaatda.
Ilhom Alievning qayd etishicha, Ozarbayjonda mustaqillik yillarida ko‘ptomonlama ozarbayjon-o‘zbek davlatlararo munosabatlarining shakllanishi va rivojlanishiga ulkan hissasini qo‘shgan Islom Karimovni haqiqiy do‘st sifatida biladi va chuqur hurmat qiladi.
«Ushbu qayg‘uli soatlarda og‘ir va o‘rnini qoplab bo‘lmas yo‘qotish munosabati bilan Ozarbayjon xalqi va o‘z nomimdan Sizga, Islom Karimovning qarindoshlari va yaqinlari, qardosh O‘zbekiston xalqiga hamdardlik izhor etaman. Islom Karimovning yorqin xotirasi qalblarimizda doim saqlanib qoladi», — deyiladi hamdardlik maktubida.