«Islom Karimov shaxsi ko‘lamini tarix va avlodlar baholaydi», — dedi Shanxay hamkorlik tashkiloti bosh kotibi Rashid Alimov. Uning qayd etishicha, ShHT bosh qarorgohida O‘zbekiston Respublikasi Prezidentining bevaqt vafoti haqidagi xabar chuqur qayg‘u bilan qarshi olindi. Hamdardlik maktubi matni ShHT Kotibiyati tomonidan e’lon qilindi. Bu haqda "Gazeta.uz" xabar berdi.«Islom Abdug‘anievich Karimov atoqli shaxs, dono va ziyrak davlat arbobi edi. Ijtimoiy-siyosiy va iqtisodiy sohalardagi keng miqyosli qayta o‘zgarishlar hamda tub islohotlar, milliy madaniyatning oyoqqa turishi va tiklanishi, xalqaro hamjamiyatda erishilgan obro‘ va hurmat, O‘zbekiston Respublikasining mustaqillik yillarida erishgan boshqa ko‘plab yutuqlari uning birinchi xalq saylagan Prezidenti nomi va faolligiga bevosita bog‘liq», — qayd etib o‘tdi bosh kotib.
ShHT bosh kotibi O‘zbekiston Respublikasi hukumati va o‘zbek xalqiga, shuningdek, marhumning qarindoshlari va yaqinlariga o‘zining chuqur hamdardligini izhor etdi.