Toshkent-Andijon-Toshkent yo‘nalishidagi ilk yo‘lovchi poezdining qatnovi 27 avgustdan boshlab amalga oshiriladi. U poytaxtdan ertalabki 8:30 da yo‘lga chiqadi. Bu haqda Tvitter foydalanuvchilari tomonidan joylashtirilgan “O‘zbekiston temir yo‘llari” boshqaruvi raisi Achilboy Ramatov buyrug‘ida aytilgan. Hozirda hech qanday rasmiy ma’lumot berilmagan, deyiladi "Kun" nashrida.Poezd marshruti yangi elektrlashtirilgan “Angren-Pop” temir yo‘l liniyasi orqali Toshkent-Angren-Orzu-Pop-Qo‘qon-Marg‘ilon-Andijon shaharlaridan o‘tadi.
Poezd 12ta yo‘lovchi vagonidan iborat bo‘ladi. 20 avgustga qadar yangi poezd qatnov grafigi yo‘lovchilarga ma’lum qilinadi.
Iyun oyining oxirida topshirilgan “Angren-Pop” temir yo‘lining uzunligi 123,1 km.ni tashkil qiladi. U Farg‘ona vodiysini O‘zbekistonning boshqa viloyatlari bilan bog‘ladi.
Rejaga ko‘ra, birinchi yil 600 ming nafar yo‘lovchi tashish ko‘zda tutilgan.