Fransiyada kino olamidagi eng nufuzli tadbirlardan biri sanalgan Kann xalqaro kinofestivali oʻz ishini boshladi, deya xabar berdi Darakchi.uz nashri.72-Kann kinofestivalining ochilish marosimi har doimgidek qizil yoʻlakcha hamda yulduzli mehmonlar ishtirokida boʻldi.
Bu yil tanlovdan 4 nafar ayol rejissyorlarning filmlari oʻrin egallagan.
Festivalni Jim Jarmush tomonidan suratga olingan “Oʻliklar oʻlmaydi” nomli kinokomediya ochib beradi. Filmda Selena Gomes va yana bir qancha honandalar rol ijro etgan. Bu gal hakamlar hayʼati raisi vazifasini esa meksikalik kinorejissyor Alexandro Gonsales bajarmoqda. Shuningdek, festival doirasida Osiyo filmlari taqdimoti ham boʻlib oʻtishi rejalashtirilgan. Kann kinofestivali 14 maydan 25 mayga qadar davom etadi.