Britaniyalik 74 yoshli aktyor Jon Vinsent Xyortga Buyuk Britaniya qirolichasi Elizaveta II tomonidan risarlik unvoni taqdim etildi. Bu haqida “Times” nashriga asoslanib “Kun.uz”
xabar bermoqda.
Xabarda aytilishicha, Jon Xyort quyon rolini ham, ajdarho rolini ham, jinoyatchilar rolini ham, olijanob lord rolini ham birdek mahorat bilan ijro eta oladi, lekin “o‘zini juda kamtarona tutishi” evaziga shu martaba loyiq hisoblanadi.
Ma’lumot uchun, ushbu aktyor o‘zining 50 yillik ijodiy faoliyati davomida 150 dan ortiq filmda suratga tushgan. “Begona”, “Fil odam”, “Rob Roy”, “Merlin”, “Garri Potter” (Mister Ollivander), “V – Vendetta degani” (Adam Sandler) kabi filmlar shular jumlasidan.
Shuningdek, bu yilgi taqdimotda ingliz aktrissasi Joana Kollinzga ledilik maqomi berilgan.