«O‘zbekkonsert» davlat muassasasi «Dizayn» jamoasiga berilgan litsenziyani bekor qildi.«Dizayn» jamoasi bilan tuzilgan litsenziya bitimlarining talablar va shartlari qo‘pol ravishda buzilgani, ya’ni milliy urf-odatlarimiz va odob-axloq qoidalariga to‘g‘ri kelmaydigan, ma’naviy qadriyatlarimizga mutlaqo yot bo‘lgan nomunosib harakatlar orqali qiziqchilik san’atini beobro‘ etib, san’atkor odobiga rioya etmaganligi uchun «Faoliyatning ayrim turlarini litsenziyalash to‘g‘risida»gi O‘zbekiston Respublikasi qonunining 23-moddasi hamda O‘zbekiston Respublikasi Vazirlar Mahkamasining 2015 yil 9 dekabrdagi 354-son qarorining 1-ilovasi bilan tasdiqlangan Nizomning 37-bandiga asosan jamoaga berilgan AY-0035 con litsenziya 2018 yil 11 avgust kunidan bekor qilinadi», deyiladi xabarda.