“O‘zbekkino” Milliy agentligi qoshidagi badiiy kengashning navbatdagi majlisi 18 dekabr, payshanba kuni bo‘lib o‘tdi. Bu haqda tashkilot matbuot xizmati xabar bermoqda.Unda muallif va rejissyor Hilol Nasimovning narkotik moddalarning noqonuniy aylanmasiga qarshi kurash mavzusiga bag‘ishlangan “Ajal jodusi” badiiy filmi adabiy ssenariysi muhokama qilindi.
“Kengash a’zolari ssenariyda ko‘tarilgan mavzu dolzarb va bunday mazmundagi filmlarning yoshlar uchun tarbiyaviy ahamiyati katta ekanini qayd etdi. Shu bilan birga ssenariyni yanada boyitish yuzasidan fikr-mulohazalar bildirildi va uning asosida badiiy film ishlab chiqarishga tavsiya etildi”, -deyiladi xabarda.
Hilol Nasimov bungacha ham turli mavzulardagi “Odnoklassniki.ru”, “Aldangan ayol”, “Tubanlik” va “Faqat g‘alaba” kabi filmlarni suratga olgan edi.
Manba: Kun.uz