Rossiyaning Sankt-Peterburg shahrida 6—8 iyun kunlari 300 dan ortiq olim va ekspertlar ishtirokida «O‘zbekiston madaniy merosi» xalqaro kongressi bo‘lib o‘tadi. Bu haqda «Daryo» xabar bermoqda.Kongressda O‘zbekiston madaniy merosiga bag‘ishlangan oltita kitob-albom, shuningdek Alisher Navoiy hayotligida yozilgan asarlarining faksimile nusxalari taqdim etiladi.
«Kongress o‘tkaziladigan kunlarda Sankt-Peterburgdagi yirik muzeylarda O‘zbekiston madaniy merosi namunalari ko‘rgazmasi ham otkaziladi. Ekspozitsiyalar namoyishi uchun Rossiya etnografik muzeyi, Sharqiy qo‘lyozmalar instituti, Ermitaj, Rossiya milliy kutubxonasi va shu kabi yirik binolardan maydonchalar ajratilgan», — deyiladi xabarda.
O‘zbekiston madaniyati kunlari Sankt-Peterburg shahrida futbol bo‘yicha chempionat oldidan o‘tkazilayotgani esa unga yanada ko‘proq e’tibor jalb etadi.
Kongress doirasida O‘zbekiston hunarmandlar tomonidan ijodiy laboratoriya o‘tkazilishi ham rejalashtirilgan. Shuningdek, Rossiya muzeylariga zamonaviy dekorativ-amaliy san’at namunalari ham topshiriladi.