Xonanda Munisa Rizaeva shu yilning 19-21 oktyabr kunlari poytaxtimizdagi "Istiqlol" san’at saroyida yakkaxon konsert dasturini taqdim etdi, deb yozmoqda uz24.uz sayti.
Konsert dasturining uchinchi kuni (21 oktyabr) xonandaning tavallud kuniga to‘g‘ri kelganligi bois, konsert co‘ngida fan klub a’zolari va konsert rejissyori xonandaga sovg‘alar bilan bir qatorda kichik bir "syurpriz"ni taqdim etishdi.
“Darakchi” nashrining bergan xabariga ko‘ra, rejissyor Rustam Shamsiddinov va fan klub a’zolari tomonidan tayyorlangan “syupriz video” sahnadagi katta ekranda namoyish etilgan va unda Rossiya estrada yulduzlaridan Filipp Kirkorov, Stas Mixaylov, Ani Lorak, Valeriy Leontev, Nikolay Baskov va boshqalar Munisa Rizaevani tug‘ilgan kuni bilan tabriklashgan va bu vaqtda xonanda quvonib sahnada yosh boladek sakragan, bu holatni muxlislar ham olqishlab turishgan. Aslida Rossiyaning bir qator yulduzlari tomonidan yuborilgan tabriklar Lolita va Irina Allegrovaga atalgani va mazkur videorolik soxtalashtirilgani bir necha kundan so‘ng ma’lum bo‘lgan.
Mazkur videorolikni konsert mehmoni bo‘lishgan bir qator xonandalar o‘z Instagram sahifalariga ham joylashtirishgan va Instagram foydalanuvchilari tomonidan ayovsiz muhokama qilinganidan so‘ng bu videorolik joylangan sahifalardan yo‘qolib qolgan.
“Munisaning konsertidagi soxta tabrikdan muddao nima?”, deb yozadi nashr.