Garri Potter haqidagi romanlar muallifi Joan Rouling allaqachon tirik afsonaga aylanib bo’lgan. Shu kunlarda uning adabiyot uchun qilgan xizmatlari Bukingem saroyida Buyuk Britaniyaning “Sharaf kavalerlari” ordeni bilan mukofotlandi. Xabarda aytilishicha, adiba ushbu mukofotni shahzoda Uilyam qo’lidan qabul qilib olgan.
Mazkur mukofotga Roulingdan tashqari Stiven Xoking, Pol Makkartni, aktrisa Meggi Smit kabi mashhurlar ham sazovor bo’lganlar.
“Bu men uchun katta sharaf va ushbu mukofot bilan g’ururlanaman. Hurmatli insonlar qatorini, ayniqsa, ayol yozuvchi sifatida to’ldirib turish haqiqatan ham ko’p narsani anglatadi” deydi Rouling.
Eslatib o’tamiz, mazkur orden 1917 yildan buyon san’at, ilm-fan, siyosat, din va adabiyot yo’nalishlarida topshirib kelinadi.