Kuni kecha Muqimiy nomidagi O‘zbekiston davlat musiqali teatrida 79 mavsumning tantanali ochilish marosimi bo‘lib o‘tdi. Bu haqda Madaniyat vazirligi matbuot xizmati xabar qildi.Marosimda O‘zbekiston Respublikasi Madaniyat vazirining birinchi o‘rinbosari Ozodbek Nazarbekov, teatr direktori Mirza Azizov, aktyor Ma’ruf Otajonov, O‘zbek milliy akademik drama teatri direktori Fathulla Ma’sudovlar so‘zga chiqib, yurtimizda teatr sohasida amalga oshirilayotgan ishlar, o‘zgarishlar haqida o‘z fikrlarini bildirib, Muqimiy nomidagi O‘zbekiston davlat musiqali teatrini navbatdagi ochilish mavsumi bilan samimiy qutladilar va teatrning kelgusi faoliyatiga muvaffaqiyat tiladilar.
Ochilish marosimida sozandalar ansambli, raqqosalar va teatr aktyorlarining musiqali chiqishlari namoyish etildi. Marosimdan so‘ng Sobir Abdulla qalamiga mansub “Tohir va Zuhra” spektakli tomoshabinlar e’tiboriga havola qilinib, teatrning navbatdagi mavsumi ochiq deb e’lon qilindi.