Yaqinda O‘zbekiston va Qoraqalpog‘iston xalq artisti Ozodbek Nazarbekov Nodir Umarov musiqasi, Botirjon Ergashov so‘zi bilan kuylangan Jaloliddin Manguberdi haqidagi "Mendirman" klipini premera qildi.
Xonandaning yangi ijod mahsuli buyuk sarkarda, qat’iyatli va irodali shaxs, raqiblarining o‘zi mardligiga tan bergan inson Jaloliddin Manguberdi siymosiga bag‘ishlangan. Ushbu klip “9999” studiyasi tomonidan suratga olindi.
Videoklipda Chingizxon rolini qoraqalpog‘istonlik xonanda Maxcet O‘temuratov ijro etgan.