Amerikaning Forbes jurnali dunyoda eng ko‘p haq oladigan mashhurlar reytingini tuzdi, deb yozmoqda «Daryo» nashri.Aktyorlar orasida Mark Uolberg etakchilik qilmoqda. Reytingda musiqachilar, sportchilar hamda yozuvchilar ishtirok etdi. Top-3 likdan tadbirkor Shon Kombs (130 million dollar), qo‘shiqchi Beyonse (105 million dollar) hamda yozuvchi Joan Rouling (95 million dollar) joy egalladi.
Mark Uolberg (68 million dollar)
«Oskar» mukofotiga ikki karra nomzod, eng ko‘p haq oladigan aktyorlarning o‘tgan yilgi reytingida o‘ninchi pog‘onadan joy olgan Markka bu yil omad kulib boqdi. Uolberg ishtirokidagi filmlar jahon kinoprokatida 5,3 milliard dollar to‘pladi.
Dueyn Jonson (65 million dollar)
Forbes’ning o‘tgan yilgi reytingida birinchilikni egallagan Jonsonning bu yildagi daromadining asosiy qismini «Forsaj 8» hamda «Jumanji» filmlari uchun olgan gonorari tashkil etdi.
Vin Dizel (54,5 million dollar)
Dueyn Jonsondan keyingi o‘rinda o‘tgan yili oltinchi pog‘onani egallagan Vin Dizel band etdi. Unga bu yilda «Forsaj 8», «Galaktika qo‘riqchilari 2» hamda «XXX: Jahon hokimiyati» filmlari yaxshigina daromad keltirdi.
Adam Sendler (50,5 million dollar)
Saturday Night Live Show yulduzi o‘zining hozirgi darajasi uchun Netflix servisiga minnatdorchilik bildirishi kerak, chunki u servisdan hamkorligi uchun 25 million dollar olgan. «Barchasi yangicha» va «Sendi Ueksler» komediyalari tomoshabinlar orasida yaxshigina ommalashdi.
Cheki Jan (49 million dollar)
Jeki Channing so‘nggi ishlaridan bo‘lgan «Temiryo‘l yo‘lbarslari» va «Xudoning qurol-aslahalari: Xazina qidirib» filmlari unga yanada mashhurlik va daromad keltirdi.