Xitoy kinosi va Gollivudning mashhur aktyori Jeki Chan Qozog‘istonga tashrif buyurishi haqida xabar bergan edik. Bugun, 7 iyun kuni Jeki Chan Ostona shahriga uchib keldi, deb yozmoqda Qalampir.uz sayti.
Qozog‘istonda bo‘lib o‘tadigan Xitoy kinosi kunlari doirasida aktyor “Kung-fu Yoga” filmini taqdim etadi. Mazkur kinofestival 7-18 iyun kunlari bo‘lib o‘tadi. Xitoy kinosanoatining eng sara 6 ta filmi “Chaplin” kinoteatrida namoyish etiladi.
Shuningdek, Xitoydan China film group va maxsus taklif bilan Xitoy televideniesi flagmanlari CCTV va Hunan TV telekanallari ham tashrif buyurgan.