Qosh qo‘yaman, deb ko‘z chiqargan, birovga yaxshilik qilaman deb bexosdan unga zarar etkazib qo‘ygan kishilar haqida eshitgandirsiz. Ayni damda xonanda Manzura aynan mana shunday ahvolda. Manzura bir kun oldin hamkasbining yangi qo‘shig‘i premerasi haqida suratni ijtimoiy tarmoqqa joyladi.Joyladi-yu, muxlislari, kuzatuvchilari tomonidan naq baloga qoldi, deyavering. Sababi, u tarqatgan qo‘shiq premerasi haqidagi reklama bannerida qo‘shiq nomi xato yozilgan.
Ushbuda reklama qilinayotgan xonandamiz Sardor Rahimxonga esa jabr bo‘ldi. Reklamadagi xato sabab uning san’atdagi o‘rni borasida ham anchayin gaplar aytildi, toshlar otildi.
Sardor Rahimxon ham yaxshi ish qilmadi-da. Xato uchun reklama agentidan xafa bo‘lish o‘rniga hamkasbidan alamini olib o‘tiribdi. Bugun uning ijtimoiy tarmoqdagi sahifasida shunday yozuv ko‘rinish berdi:
Shunaqa gaplar… Manzura tarafidan esa hali biror fikr bildirilgani yo‘q. Bizningcha, xonanda birovning xatosini oshkor etib qo‘yganini hali anglab etmagan ko‘rinadi.
Manba: hordiq.uz