Avvalroq, xonanda Nilufar Usmonova homilador ekani haqida xabar bergan edik. Xonanda bugun, 7 mart kuni qiz farzandli bo‘ldi. Bu haqda Qalampir.uz xabar berdi.Ma’lumotlarga qaraganda, Nilufar Usmonova Toshkent pediatriya tibbiyot instituti tug‘ruqxonasida to‘rtinchi farzandini dunyoga keltirdi.
Xonandaning uch pahlavon o‘g‘li bor. U ko‘p yillar qiz farzandli bo‘lishni niyat qilgandi. So‘nggi bor kuylagan “Dadasining qizi” nomli qo‘shig‘i ham qiz farzand kutayotganiga ishora bo‘lgandi.
Ma’lum qilishlaricha, chaqaloq jarrohlik operasiyasi yo‘li bilan dunyoga keltirilgan. Chaqaloqning og‘irligi 3 kgdan yuqoriligi aytilmoqda. Ayni damda onaning ham, bolaning ham salomatligi yaxshi.
Fursatdan foydalanib, tahririyatimiz nomidan Nilufar Usmonovani farzandli bo‘lgani bilan muborakbod etib, ona va bolaga mustahkam sog‘lik tilab qolamiz.