AQSh prezidenti Barak Obamaning xayrlashuv bazmida ko‘plab Gollivud yulduzlari ishtirok etdi. Ularning soni Donald Trampning 20 yanvardagi inaugurasiyasiga taklif qilingan yulduzlardan ko‘proqdir, deb xabar beradi «Daryo».Ziyofatda ishtirok etgan Gollivud yulduzlarining ko‘pchiligi saylovoldi kampaniyasida Hillari Klintonni qo‘llab-quvvatlagan edi.
Kecha mehmonlari orasida aktyorlar Bredli Kuper, Robert De Niro, Jorj Kluni, rejissyor Stiven Spilberg, qo‘shiqchilar Pol Makkartni, Nik Jonas, Jon Lejend, model Krissi Teygen, xonanda Beyonse va uning turmush o‘rtog‘i, reper Jay-Z, teleboshlovchi Opra Uinfri va boshqalar ishtirok etdi.
