Joriy yilning 24 avgust kuni O‘zbekiston Respublikasi Mustaqilligining yigirma besh yilligi munosabati bilan fan, ta’lim, sog‘liqni saqlash, adabiyot, madaniyat, san’at, ma’naviyat va ma’rifat, ommaviy axborot vositalari hamda ijtimoiy sohalar xodimlaridan bir guruhini mukofotlash to‘g‘risida O‘zbekiston Respublikasi Birinchi Prezidenti Islom Karimovning farmoni imzolangan edi. Unga ko‘ra, xonandalar Ulug‘bek Rahmatullaev, Rixsiboy Aliev, Azat Bekmuratov, Ma’sumaxon Boltaboyeva, Kirill Borchaninov, Sayyora G‘afurova, Milena Madmusaeva, Ra’no Mustafoyeva, Bahodir Nishonov, Nodira Pirmatova, Mehri Hakimova, Nigina Shorahmetovalar “O‘zbekiston Respublikasida xizmat ko‘rsatgan artist” unvonlari bilan taqdirlanishgandi.
Shuningdek, O‘zbekiston Respublikasining Birinchi Prezidenti farmoniga asosan aktrisalar Zuhra Ashurova hamda Gavhar Zokirova “O‘zbekiston Respublikasi xalq artisti” unvoni bilan taqdirlangandilar.
O‘zbekiston xalq artisti Erkin Komilov “Fidokorona xizmatlari uchun” ordeni bilan taqdirlandi.
Bugun san’atkorlarga mazkur mukofotlar tantanali ravishda topshiriladi.