Avvalroq, “Nihol” mukofoti sovrindorlari Oybek va Nigoraning farzand kutayotgani haqida xabar bergan edik. Bugun, 27 avgust kuni soat 19:00 atrofida xonanda Oybek Alimov tahririyatimizga qo‘ng‘iroq qilib, otalik baxtiga musharraf bo‘lganini ma’lum qildi.“O‘g‘illi bo‘ldim! Bu qanday baxt ekanini tushuntirib berolmayman”, deydi Oybek Alimov.
Ma’lumotlarga qaraganda, chaqaloq Toshkent shahridagi 7-sonli tug‘ruqxonada dunyoga kelgan. Ona va bolaning salomatligi a’lo darajada.
Eslatib o‘tamiz, Oybek va Nigora o‘tgan yilning 21 noyabr kuni turmush qurishgan edi.
Fursatdan foydalanib, tahririyatimiz nomidan xonandalar Oybek va Nigorani tabriklab, chaqaloqqa uzoq umr tilab qolamiz.