Forbes jurnali o‘z faoliyati orqali eng ko‘p pul ishlab topadigan dijeylar reytingini tuzdi, deb tjournal.ru xabar berdi.
Unga ko‘ra, birinchi o‘rin sohibi shotlandiyalik Kelvin Xarrisga nasib qildi. Xarrisning bir yillik daromadi 63 million dollarni tashkil qilmoqda. Shotlandiyalik dijey har bir konsertidan o‘rtacha 400 ming dollar atrofida daromad topadi.
Keyingi o‘rin esa gollandiyalik Tiestga tegdi. Uning yillik daromadi 38 million dollarga deb baholandi. Uchlikni fransiyalik Devid Getta 28 million dollar bilan yakunlab berdi.