“Oskar” mukofoti sovrindori Stiven Soderberg Panama ofshor mojarosi haqida film olmoqda, deya “Qalampir.uz” xabar berdi. U bir vaqtning o‘zida ham prodyuserlik, ham rejissyorlik qilmoqda.
Film Jeyk Bernstaynning yangi “Maxfiylik dunyosi” kitobi filmga asos qilib olindi. Ssenariy muallifi Skot Z. Byorns bo‘lib, u Soderberg bilan “Axborotchi” “Infeksiya” va “Yon ta’sir” kabi filmlar ustida birga ishlagan.
Filmga egalik huquqi Grey Matter Productions kompaniyasiga tegishli. Mazkur kartinani katta ekranlarga olib chiqish uchun Anonymous Content ham ishtirok etadi.
Eslatib o‘tamiz, joriy yilning 3 aprelida “Sueddeutsche Zeitung” nemis gazetasi va boshqa OAVlar Panama yuridik firmasi Mossack Fonseca’ga tegishli hujjatlarni chop etdi. Mazkur hujjatlarda bir qancha siyosiy etakchilar va mashhur insonlarning ofshor kompaniyalari haqida ma’lumotlar keltirilgan. Yuridik firmaga tegishli bu hujjatlar “Panama arxivi” nomi bilan butun dunyoga ma’lum qilindi.