Xonanda Shohruxxonning Instagram’dagi sahifasida uning turmush o‘rtog‘i — aktrisa Asal Shodieva ishtirokidagi yangi suratlar e’lon qilindi. Bu haqda "Daryo" xabar berdi.17 iyun kuni e’lon qilingan suratlarning dastlabkisida Asal Shodieva o‘z turmush o‘rtog‘ini quchoqlab olganini va ikki yosh o‘zini baxtli his qilayotganini ko‘rish mumkin.
Ikkinchi suratda Asal Shodievaning qaynonasi — rejissyor Zebo Navro‘zova o‘z kelinini o‘pishga urinayotganini ko‘rish mumkin. Har ikkala surat ostida yosh oilaning do‘stlari, hamkasblari va muxlislari ularga doimiy baxt va quvonch tilab kommentlar qoldirgan.
Avvalroq Asal Shodieva va Shohruxxonning to‘ydan keyingi ilk selfisi e’lon qilingani haqida xabar berilgan edi. Eslatib o‘tamiz, aktrisa va xonandaning nikoh to‘yi 5 iyun kuni bo‘lib o‘tgan edi.