Joriy yilning 6-9- iyun kunlari Toshkent shahrida O‘zbekiston Respublikasi davlat mustaqilligining yigirma besh yilligi munosabati bilan “Biz buyuk yurt farzandlarimiz!” shiori ostida yoshlar festivali o‘tkazildi. Bu haqda "Popcorn.uz" xabar bermoqda.
Festival davomida Respublika targ‘ibot guruhlari tomonidan Toshkent shahrida turli xil loyihalar amalga oshirildi. Unda 137 ta tadbir tashkil etilib, jami 123 500 nafar yoshlar ishtirok etishdi.
Kuni kecha mazkur yoshlar festivalining yakuniy gala-konserti “Turkiston” san’at saroyining yozgi binosida 3 000 nafar yoshlar hamda Respublikamizning taniqli va yosh estrada xonandalari ishtirokida o‘tkazildi.